Yeni il bayramı və Milad bayramı arasındakı fərq hər il Azərbaycanda müəyyən mübahisələrə səbəb olur. Bəs, Yeni il və Milad arasındakı fərq nədir? Bütün dünyada qeyd olunan bu bayramların kökü haradan gəlir?
Milad bayramı nədir?
Xristianlar tərəfindən “Xilaskar Məsih” kimi qəbul edilən İsa Məsihin doğum gününün hər il ənənəvi olaraq 25 dekabrda qeyd edildiyi bayrama milad bayramı deyilir.
Dünyanın bir çox ölkələrində xristian dininə inanan xristianlar Milad bayramını hər il dekabrın 25-də qeyd edirlər. Bayramlar Milad ərəfəsində, dekabrın 24-də başlayır və bəzi ölkələrdə dekabrın 26-sı axşama qədər davam edir.
İndiki dövrdə isə Milad ümumbəşəri bir bayrama çevrildiyindən, dini inancından asılı olmayaraq əksəriyyət tərəfindən qeyd olunur. Milad günündə insanlar bir-birinə hədiyyələr verirlər. Milad bayramının ən bariz simvollarından biri də “Şaxta Baba” fiqurudur.
Milad bayramının digər bir atributu isə ŞAM ağacı sayılır. Həmişə yaşıllığını qoruya bilməsi ilə soyuq qışdan sonra da davam edən həyatı simvolizə edir. Şam ağacı, şimal xalqlarda, Tayqa meşələri ilə məşhur olan, Sibirin türk xalqlarında müqəddəs ağac sayılırdı. Şam ağacı ətrafında müxtəlif rituallar edən insanlara isə “ŞamAn” deyilirdi.
Azərbaycanda Milad bayramı qədim zamanlarda bəzi bölgələrdə, qış fəslinin daxil olma günü sayılan 22 dekabrda qeyd olunurdu. Və adına isə “Çilə gecəsi” deyilirdi. Müxtəlif bölgələrimizdə bu gecəyə xüsusi hazırlıqlar olur, həmin gün maraqlı adətlər və mərasimlər keçirilirdi. Çilə gecəsindən sonra günlər keçdikcə, gündüz bir-neçə dəqiqə daha uzanaraq gecəni üstələyirdi. Bu isə yeni həyatın, yeni dövrün və yeni ilin başlanğıcı sayılırdı.
Yeni il bayramı nədir?
Hazırki il ilə vidalaşmaq və növbəti ili qarşılamaq üçün dekabrın 31-dən yanvarın 1-ə keçən gecədə keçirilən bayrama yeni il bayramı deyilir.
Yeni il bayramı ənənəsinin təməli eramızdan əvvəl 46-cı ildə Roma İmperiyasının mühüm liderlərindən biri olan Yuli Sezar tərəfindən qoyulmuşdur.
Yeni ilin ilk günü, dünyada ən çox istifadə edilən Qriqori təqvimi ilə yanvarın ilk günü müəyyən edilib.
Hər sahədə yeni başlanğıc mənasını verən Yeni il, dünyanın bir çox ölkəsində fərqli ənənələr və tədbirlərlə qeyd olunur. Bayramı qeyd etməyin məqsədi isə gələn ilin bolluq və şans gətirəcəyinə ümid edərək əylənməkdir.
Qriqori təqviminin başlanğıcı olan Yeni il, çox vaxt tarixləri yaxın olduğuna görə Milad bayramı ilə qarışdırılır.
Dekabrın 31-dən yanvarın 1-nə keçən gecədə qeyd olunan Yeni il gecəsi və 25 dekabrda qeyd olunan Milad günü bir-birindən fərqlənir. Ancaq hər iki bayram da yaxın tarixə və oxşar ənənələrə sahib olduğundan, bəzən qarışdırırla bilir.
Yeni il bayramı necə qeyd edilir?
Evlərin, siniflərin və ofislərin qapısı yeni il bayramı üçün hazırlanmış təbii qapı çələngi ilə bəzədilir. Marketlərdə və mağazalarda yeni il üçün aksesuarlar, dekorlar və oyuncaqlar satılır. Xüsusi bəzədilmiş yeni il bayramı tortları hazırlanır. Bu günü maraqlı şəkildə qeyd etmək üçün yeni il bayramı tədbirləri planlanır və keçirilir. Evlərin önü, tədbir keçiriləcək yerlər, mağazaların vitrinləri, sinif otaqları və iş yerlərinin pəncərələri, bayramın simvolu kimi şam ağacı və şaxta baba tipli “Yeni il” bayramına özəl çap olunan yapışqan stikerlər ilə bəzədilir. Yeni il bayramında insanlar bir-birinə hədiyyələr alırlar. Şirkətlər üzərində öz şirkət logosu çap olunan korporativ hədiyyələr hazırlatdırıb öz əməkdaşlarına və xüsusi müştərilərinə hədiyyə edirlər.
Dinindən, milliyyətindən, cinsindən və irqindən asılı olmayaraq, günəşin şüaları hər keçən gün daha da artacaq. Və ana təbiəti daha uzun müddət işıqlandıracaq. Buradan belə bir nəticəyə gələ bilərik ki, Milad bayramı və Qriqori təqvimi əsasında qeyd olunan Yeni il bayramı tək xristian dünyasının deyil, bütün insanların ümumbəşər bir bayramıdır.
Əziz fikir.az saytının istifadəçiləri! Fürsətdən istifadə edərək hər birinizi Dünya Azərbaycanlılarının Həmrəyliyi Günü və Yeni il münasibətilə təbrik edirik. Və növbəti ilin sizin üçün daha uğurlu olmasını arzu edirik. Bayramınız mübarək!
Yeni il Çələngi Sifarişi
Yeni il bayramı üçün Qapı Çələngi….Təbii şam qozası və küknar yarpağından hazırlanan əl işi çələng… Yeni il üçün aksesuarlar…Tel: 050 879 91 11…
